UBUTUMWA UMUYOBOZI W’URUNANA RW’ABAHARANIRA UBUMWE NA DEMOKARASI / RALLIEMENT POUR L’UNITE ET LA DEMOCRATIE URUNANA / RALLY FOR UNITY AND DEMOCRACY AGEZA KU BANYARWANDA KU UMUNSI W’ICYUNAMO CYATURUTSE KU NTAMBARA N’UBWICANYI NDENGAKAMERE FPR INKOTANYI YATANGIJE MU RWANDA KU ITALIKI YA MBERE UKWAKIRA 1990.
Banyarwanda, Banyarwandakazi,
Uyu munsi, taliki ya mbere y'Ukwakira 1990, turibuka intambara FPR Inkotanyi yashoje mu Rwanda iturutse muli Uganda. Iyo ntambara niyo yagejeje FPR Inkotanyi ku butegetsi imaze guhitana abanyarwanda benshi ikoze itsembabwoko n’itsembatsemba, aliko FPR Inkotanyi yo ikavuga ko ali jenoside yakorewe abatutsi.
Mw’izina ryanjye no mu izina ry’abo dufatanije muri RUD Urunana (Ralliement pour l’Unité et la Démocratie - Rally for Unity and Democracy - Urunana) na RPR Inkeragutabara duhuriye mw' Ishyirahamwe Riharanira Demokarasi ( Congrès National pour la Démocratie - National Democratic Congress - NDC / CND) ndabasaba ko uyu munsi twafata umunota umwe tukibuka abahitanywe n’iyo ntambara n’ubwo bwicanyi.
Banyarwanda, Banyarwandakazi,
Twibukiranye ko FPR Inkotanyi itera U Rwanda mu ngingo yatangaga ari uko ngo yashakaga kurangiza ikibazo cy’Impunzi, kuzana demokarasi, no gucunga neza ibya rubanda.
Aliko nkuko mubizi, iyo mvugo yari ikinyoma. Nyuma y'uko FPR ifashe ubutegetsi, impunzi zikomoka mu Rwanda zariyongereye kw’isi kandi na n'ubu abanyarwanda bo mu moko yose baracyahunga. Demokarasi ntayo kuko ubutegetsi bufitwe n’umuntu umwe Gen. Paul Kagame, wigize umwami muli Republika. Ibintu byose biri mu Rwanda nk’ubutaka, ibihingwa, amashyamba cyimeza n’ibirimo ni ibye; niwe wica agakiza; niwe utekerereza abanyarwanda bose; nta muntu umuvuguruza.
Gucunga neza ibya rubanda ntabyo kuko ibya rubanda ntibibaho. Imitungo ni iya General Paul Kagame n’agatsiko ke katarenze abantu magana abiri. Imitungo kandi yimuriwe mu mahanga nk’i Bulayi, Amerika na Azia.
Urubyiruko nirwo rukoreshwa mu kwiba kuko rushyirwa mu gisilikare noneho rukoherezwa mu bindi bihugu gusahurira agatsiko kari ku butegetsi.
Banyarwanda, Banyarwandakazi,
Icyo Gen. Paul Kagame n’agatsiko ke bagezeho ni ukwemeza amahanga, gakoresheje amafaranga, ko mu Rwanda habaye jenoside yakorewe abatutsi gusa. Hakirengagizwa ko FPR Inkotanyi yaturutse muli Uganda yica abanyarwanda, maze ikabarundanyiriza nk’ahantu ikabasukamo urusasu cyangwase igakoresha udufuni maze imirambo bakayitwikisha lisansi n’ibitunguru.
Ko mu Rwanda habaye jenosidede ntitubihakana ariko nihanavugwe ko habaye na jenoside y’abahutu cyangwa se jenoside y’abanyarwanda aribyo itsembatsemba n’itsembabwoko.
Banyarwanda, Banyarwandakazi,
Kugira ngo Gen Paul Kagame na FPR Inkotanyi bacuruze jenoside yakorewe abatutsi hubatswe inyibutso nyinshi mu gihugu maze igihugu bagihindura inyibutso ari nko kwibutsa abahutu ko bakoze jenoside no kwibutsa abatutsi ko Gen. Paul Kagame adahari abahutu bamara abatutsi.
Iyo abashyitsi basuye U Rwanda abambari ba FPR inkotanyi bihutira kujya kubereka uduhanga n’amagufa bita ko aro ibyo abatutsi yarundanyijwe mu nyibutso. Cyakora twe abanyarwanda ntituyobewe ko utwo duhanga ari utwo abahutu, abatutsi n’abatwa kuko tuzi ko aho Interahamwe zicaga abatutsi ndetse n’abahutu, Inkotanyi zarahageraga zikica zikarunda imirambo hejuru y’imirambo zahasanze.
Banyarwanda, Banyarwandakazi,
Umuco w’ubwicanyi FPR Inkotanyi yazanye mu Rwanda, ikawimurira muri Repubulika ya Demokarasi ya Kongo igiye gusahura, ugomba kurangira.
Mu gihe twibuka uyu munsi, nimureke twiyemeze gushakisha uburyo bwose bushoboka ishyano ryagwiriye U Rwanda ritakongera kubaho. Abatutsi n’Abahutu nibareke imvugo ihembera inzangano hagati y’amoko. Nibamagane amagambo yuzuye ingengabitekerezo ivuga ko hari ubwoko busumba ubundi mu Rwanda.
Abakoresha ibitangazamakuru cyangwa se abari mu mashyaka n’imiryango idafite aho ibogamiye (civil society) nibigishe ubworoherane (tolerance); nibaharanire gushyiraho ubutegetsi bushingiye kuri demokarasi (democracy), ku buringanire imbere y’amategeko (rule of law), bwubahiriza uburenganzira bw'ikeremwamuntu (human rights) kandi bwemerera umuntu kwishakira imibereho (economic freedom). Umunsi ibi twabigezeho tuzunamira inzirakarengane zose nta vangura ry’amoko ribayeho nkuko Gen. Paul Kagame n’agatsiko ke babikora ubu.
Inzirakarengane zose niziruhukire mu mahoro. Imana nizihe iruhuko ridashira.
Imana ituyobore mu bikorwa bifitiye Abanyarwanda bose akamaro.
Bikorewe i Washington, DC, Tariki ya mbere Ukwakira 2023
Dr. Jean-Marie Vianney Higiro
Umuyobozi w’Urunana rw’Abaharanira Ubumwe na Demokarasi (RUD-Urunana)
Rally for Unity and Democracy /Ralliement pour l’Unité et la Démocratie
e-mail:
web: http://www.ndcnd.org
