UBUTUMWA UMUYOBOZI W’URUNANA RW’ABAHARANIRA UBUMWE NA DEMOKARASI / RALLIEMENT POUR L’UNITE ET LA DEMOCRATIE URUNANA / RALLY FOR UNITY AND DEMOCRACY AGEZA KU BANYARWANDA KU UMUNSI W’ICYUNAMO CYATURUTSE KU NTAMBARA N’UBWICANYI NDENGAKAMERE FPR INKOTANYI YATANGIJE MU RWANDA NO MU KARERE KU ITALIKI YA MBERE UKWAKIRA 1990.
Banyarwanda, Banyarwandakazi,
Italiki ya mbere Ukwakira 1990 nibwo Umuryango wiyise Front Patriotique Rwandais (FPR) wateye U Rwanda uturutse muli Uganda. Icyo gihe wateye uvuga ko ushaka gucyura impunzi z’abatutsi, kuzana ubumwe bw’abanyarwanda, gushyiraho demokarasi no gucunga neza umutungo w’igihugu. Ibyo FPR yavugaga byaje kugaragara ko ali ibinyoma gusa gusa.
Mw’izina ryanjye no mu izina ry’abo dufatanije muri RUD-Urunana (Ralliement pour l’Unité et la Démocratie - Rally for Unity and Democracy - Urunana) na RPR-Inkeragutabara (Rassemblement du Peuple Rwandais - Inkeragutabara) duhuriye mw' Ishyirahamwe Riharanira Demokarasi ( Congrès National pour la Démocratie - National Democratic Congress - NDC / CND) ndabasaba ko uyu munsi twafata tukibuka abahitanywe n’iyo ntambara n’ubwo bwicanyi.
Banyarwanda, Banyarwandakazi,
FPR yafashe ubutegetsi bivuye mu muvu w’amaraso menshi. Ubu impunzi zilimo abahutu n’abatutsi zariyongereye kuva FPR yafata ubutegetsi. Buli munsi niko abanyarwanda bayihunga kubera ubwicanyi, ubusambo, amanyanga, itotezwa, munyangire n’igitugu.
FPR itera ivuye muli Uganda aho yanyuze yarishe gusa. Mu majyaruguru abatarashoboye kuyihunga igihe yateraga, yarabashunguye yica abafite imbaraga, maze ikusanyiriza abo izajya ikoresha imilimo y’agahato ahantu habili aliho Gishamashayo hagati ya Komini Cyumba na Komini Kivuye muli Byumba no muli Komini Butaro ahitwa Kwa Dubuli. Abantu yahakusanyilije bahakoze ubucakara bwo gusarura ibyasigajwe mu milima n’abahunze, kwikorera ibikoresho bya gisilikari, gushyingura inkotanyi zapfiliye ku Rugamba n’ibindi. Buli munsi babateranyilizaga ahantu hamwe bakabaha inyigisho zo kuboza ubwonko.
Banyarwanda, Banyarwandakazi,
Kw’itariki ya 6 Mata inzobere za FPR mu kurashisha missiles zarashe indege yali itwaye Perezida w’U Burundi Cyprien Ntaryamira na Perezida w’U Rwanda Juvenal Habyarimana. Kugeza ubu ari inkiko za gacaca ari rwa rukiko rw’Arusha rwaburanishije abahutu bali mu butegetsi, ari za nkiko z’abanyaburaya bavuga ko baharanira uburenganzira bw’ikiremwa muntu nta wakoze ubwo bwicanyi wo muli FPR wari wagezwa imbere y’ubutabera. Ababikoze baridegembya mu Rwanda ndetse bamwe bigira n’i Burayi uko bashatse cyangwa bakanahatura ntawe ubakura.
Banyarwanda, Banyarwandakazi,
Ubwicanyi bwabaye mu Rwanda bwiswe genocide. FPR iyo izakwemeza ko ari genocide yakorewe abatutsi maze byemezwa bityo. Nyamara mwibuke ko FPR yatangiriye Byumba na Ruhengeri yica. Muli Mata, abacengezi bayo bari banyanyagijwe mu gihugu bambaye imyambaro y’interahamwe maze barica pe karahava. Urugero nk’uwitwa Tom Ndahiro ubu wiyise umushakashatsi w’imena kuli genocide yakorewe abatutsi, indege ikimara kugwa yambaye imyambaro y’interakamwe maze agenzura za bariyeri zahereyeko zishyirwaho mu mugi wa Kigali. Niwe wagenzuraga uko ubwicanyi bwakorwaga kuva i Gikondo, Kicukiro, Remera, Kabeza kugera i Kanombe hafi y’ikibuga cy’indege. Abandi bacengezi b’inkotanyi bari bihishe i Nyamirambo ahantu hazwi nko “Kuli Mirongo Ine” bahereyeko bambara imyambaro y’interahamwe maze bashinga bariyeri mu mugi wa Kigali. Maze barica karahava. Izi ngero cyakora ntizikwiye gufatwa nk’izihanagura genocide ku bahutu bayijanditsemo. Ahubwo zerekana ko FPR yagize uruhare rukomeye muri genocide ivuga ko yakorewe abatutsi kandi ko genocide itakwitirirwa abahutu bose nkuko Perezida Paul Kagame, Minisitiri Bizimana, abajyanama be James Kabarebe na Tito Rutaremara n’abambari babo bilirwa babyigisha.
Banyarwanda, Banyarwandakazi,
Ubumwe FPR yavugaga bwabaye ivangura. Ubu FPR ivangura abahutu ndetse Minisitiri Jean Damascene Bizimana na shebuja Perezida Paul Kagame n’abambari be barimo James Kabarebe na Tito Rutaremara ntibabihisha igihe cyose bari mu mbwirwa ruhame. Minisitiri Bizimana iyo abumbuye umunwa hasohokamo urwango rw’abahutu. Ivangura kandi rigaragarira mu gisilikari aho abasilikari bakuru ali abatutsi cyakora hakabamo abahutu mbarwa bo kwereka amahanga akorana na FPR. Ivangura kandi rili mu butegetsi bw’amadini, mu burezi mu mashuri aho abahutu bahezwa kubera ubwoko bwabo no kubera amikoro yabo, mw’itangazamakuru no mu micungire y’ubukungu
Banyarwanda, Banyarwandakazi,
Ku ngoma ya FPR ubukungu bwahindutse ubwa Perezida Paul Kagame n’umuryango we. Abacuruzi bari bafite amafaranga mbere ya Mata 1994, FPR yarabakenesheje. Yabatwaye ibintu byabo kandi ishyiraho n’amananiza atuma badashobora gukora imirimo yinjiza umutungo. Amazu yabo, ibibanza byabo byigaruriwe na FPR cyangwa se byarasenywe. Ubutaka bukomoka ku gisekuru bwagizwe ubwa Leta. Ubutegetsi nibwo butegeka ikigomba guhingwa utabikora ibyo umuntu ahinze bakabirandura. Ibigo by’ubucuruzi n’amagorofa yo mu migi, ibyinshi bifitwe n’umuryango wa Perezida Paul Kagame n’abambali be balimo n’abanyamahanga bagiye kumufasha gusahura U Rwanda.
Banyarwanda, Banyarwandakazi,
Hashize imyaka mirongo itatu ingabo z’U Rwanda zaragiye muli Republika ya Demokarasi ya Kongo (DRC) zitwaje ko zirwanya abakoze genocide ngo kuko batera U Rwanda. Ibyegeranyo by’impuguke z’Umuryango w’Abibumbye (United Nations) za komeje kwerekana ko rukuruzi iliyo ari amabuye y’agaciro. U Rwanda rwakomeje gushyigikira imitwe yitwaje intwaro kugira ngo zishobore kuyihishamo isahura Kongo. Ni rwo rutanga imyitozo n’ibikoresho bya gisirikari. Ubu noneho rusigaye ruvuga ko abavuga ikinyarwanda ngo cyane cyane abanyekongo bo mu bwoko bw’abatutsi bavukijwe uburengazira bwabo. Hari nubwo Perezida Paul Kagame avuga ko mbere y’ubukoloni U Rwanda rwageraga muri Kivu bivuzeko ashaka kwigarurira ubutaka bwa Kongo.
RUD Urunana ishyigikiye byimazeyo amasezerano yasinyiwe i Washington hagati ya Leta Zunze Ubumwe za Amerika, Repubulika Iharanira Demokarasi ya Kongo n'u Rwanda, ndetse n'Inzira ya Luanda (Angola) agamije kugarura amahoro muli Kongo. Ishyigikiye ko imitwe yose yitwaje ibirwanisho (armed groups) isenywa burundu. RUD - Urunana ifata aya masezerano nk'inkingi z'ingenzi zo kugera ku gisubizo cya politiki kirambye ku bibazo bibangamiye akarere kose k'ibiyaga bigari. Kubera iyo mpamvu, umuryango wacu wongeye gushimangira ko wiyemeje amahame yo kudahungabanya amahoro mu karere k'ibiyaga bigari, kurandura imitwe yose yitwaje intwaro, gusubiza mu buzima busanzwe, no kurengera impunzi. Abarwanyi bagasubizwa mu buzima busanwe ndetse n’impunzi zigahabwa amahirwe yo gusubira mu gihugu cyabo cyangwa se yo guhabwa amahitamo yo kujya mu bindi bihugu byemeye kubakira. RUD-Urunana iboneyeho gutangaza ko gukoresha gahunda yo gusenya imitwe y’abitwaje ibirwanisho no gukemura ikibazo cy’impunzi mu buryo bwo kwigwizaho imitungo ari ubusambo bwo kwamaganwa. Niyo mpamvu yifuza ko abashingwa iyo gahunda yo kurangiza icyo kibazo baba abantu b’inararibonye kandi b’inyangamugayo.
RUD-Urunana irasaba imiryango mpuzamahanga, harimo Umuryango w'Ubumwe bwa Afurika, Umuryango w'Abibumbye, imiryango yo mu karere, n'abafatanyabikorwa bakora ibikorwa by'amahoro gusuzuma aho ihagaze hashingiwe ku bikorwa byayo, ku byo yiyemeje, n'ubuyobozi bwemewe, aho kugendera ku makuru adafite ishingiro cyangwa amakuru atari yo.
RUD-Urunana yongeye kuvuga ko ubunararibonye bwa Kasiki ari urugero rufatika rukwiye kwigwa neza no guhabwa agaciro mu gushakisha ibisubizo by'ikibazo cyo kwambura intwaro no gusubiza mu buzima busanzwe abarwanyi. RUD-Urunana, ikomeje kwemeza ko kwambura intwaro ku bushake, gucungwa kw'abarwanyi, gusezererwa mu ngabo no kugarura abarwanyi mu buzima busanzwe, iyo biherekejwe n'ingwate yizewe n'umurava nyakuri w'umuryango mpuzamahanga, bishobora gutanga umusaruro ufatika kandi urambye.
Bityo, Umuryango wacu wongeye kwemeza ko wiyemeje gutanga umusanzu, mu rwego rw'inshingano zawo za politiki, ku gisubizo cy'amahoro, cyumvikana kandi kirambye ku bibazo biri mu karere k'ibiyaga bigari, ku nyungu z'abaturage n'umutekano w'akarere.
Banyarwanda, Banyarwandakazi,
RUD-Urunana ibona ko U Rwanda rukwiye kwikiza ubutegetsi bw’igitugu kandi amahoro akagaruka muli Kivu aho kuba isibaniro ry’abajura. Niyo mpamvu RUD-Urunana yifatanyije na Rassemblement Populaire Rwandais-Inkeragutabara(RPR-Inkeragutabara) hakorwa impuzamashyaka yitwa Ishyirahamwe Riharanira Demokarasi ( Congrès National pour la Démocratie - National Democratic Congress - CND / NDC) kugira ngo duharanire ahamwe uko abanyarwanda babana neza kandi amahoro akagaruka mu karere k’ibiyaga bigari. CND isanga ko abanyarwanda bamaze kwiyumvamo ko bakandamijwe n’ubutegetsi bw’igitugu bakabutinyuka bashobora kubwikiza banyuze mu nzira idakoresheje ingufu za gisilikari (non violence).
Banyarwanda , Banyarwandakazi,
Mu rugamba rwo kwikiza ubutegetsi bw’igitugu bwa FPR Inkotayi na Perezida Paul Kagame, uruhare rwa buli wese rurakenewe.
Imana ikomeze idufashe mu Rugamba turimo rwo guhindura ubutegetsi buriho bugasimbuzwa n’ubutegetsi bushingiye kuli demokarasi.
Bikorewe i Washington, DC, Leta Zunzwe Ubumwe z’Amerika, Ku wa Mbere Ukwakira 2026.
Dr. Jean-Marie Vianney Higiro
Umuyobozi w’Urunana rw’Abaharanira Ubumwe na Demokarasi (RUD-Urunana) - Rally for Unity and Democracy /Ralliement pour l’Unité et la Démocratie
e-mail:
web: http://www.ndcnd.org
